Elecziuns federalas20 d'october 2019 

La Svizra elegia! Ils 20 d'october vegnan tschernidas las persunas che decidan e regian ils proxims quatter onns en Svizra. Chala da susdar, quai è interessant! Pertge che era TI pos decider tgi che sesa en il Cussegl naziunal ed il Cussegl dals chantuns. La finala sa tracti da la glieud che di a tai tge che ti has da far e laschar.

Clip naziunal per las elecziuns dals 20 d'october 2019

Was wählen wir überhaupt?

Assamblea federala

L'Assamblea federala è il parlament da la Svizra. Sco parlament fa ella tranter auter leschas, decida nua e per tge ch'i vegn dà ora daners ed elegia il Cussegl federal, la regenza da la Svizra. L'Assamblea federala ha duas chombras:

Il Cussegl naziunal, ch'ins numna era la Chombra gronda, ha 200 commembras e commembers e represchenta la populaziun. Las cussegliaras naziunalas ed ils cussegliers naziunals, tut en tut 200, vegnan elegids da la populaziun dals singuls chantuns. Dapli abitantas ed abitants ch'in chantun ha e dapli sezs ch'el ha en il Cussegl naziunal. Il chantun da Turitg, il pli grond chantun, ha per exempel 35 sezs, il chantun Tessin otg ed il chantun Sursilvania in.

Il Cussegl dals chantuns, ch'ins numna era la Chombra pitschna, ha 46 commembras e commembers e represchenta ils chantuns. Era las cusseglieras ed ils cussegliers dals chantuns, tut en tut 46, vegnan elegids dals singuls chantuns. Auter che tar il Cussegl naziunal han tut ils chantuns – independentamain da lur grondezza – dus sezs en il Cussegl dals chantuns. Sulettamain ils sis mezs chantuns han mintgamai mo in sez.

Cussegl federal

Suenter las elecziuns federalas elegia l'Assamblea federala ils 11 da december 2019 il Cussegl federal. Il Cussegl federal è la regenza da la Svizra. Sco regenza realisescha el tranter auter las decisiuns dal parlament, maina l'administraziun federala e represchenta la Svizra a l'exteriur.

Il Cussegl federal ha set commembras e commembers. Actualmain fan mintgamai duas cusseglieras/cussegliers part da la PPS, da la PS e da la PLD ed ina cussegliera da la PCD. Tgi che vegn elegì en il Cussegl federal e da tge partida che las cusseglieras ed ils cussegliers federals fan part dependa dals resultats da las partidas tar las elecziuns federalas. 

Mehr Infos findest du in unserem Staatskunde-Dossier.